About Us
Efter Breslan
___________

Luck til the wife wi her twa bonny boys

her twins quaet as thair twa rooks apiece,

thrang at thair gemme, skaithless seemin,

wi her wee dochter on her twa legs,

 

aa the faimily’s faces graven an quaet

as the knichts an bishops on the buird,

 

thinkin on the like o this, an waur shuirly

maun cairry aa oor mynds in check:

 

hou ae puir pawn o a laddie

cam greetin til an evil sodger

seekin watter for the drouth

the bastart’s bayonet did slocken.

 

 

 

John Law